Alexandri

           [Alexandri]
           En Blacasset, bon pretz e gran largueza
           avetz ab joi, a cui que plass' o pes,
           quar ien ho sai que no us platz escaseza,
              qu'a mi dones dos palafres....
              Pero be m platz, s'a vos plazia,
           que ja nuill temps no m dasetz vostr'aver,
           ab sol qu'el mieu no voillatz retener.

           [Blacassetz]
           Alixandri, s'anc mi prestetz, no us peza
           quar no us paguei, ieu sai com ho fares,
           so qu'aves dig que us dei ab gran largueza
           er tot vostre, sol de l'autre m sostes;
           e quar lo dons val mais qu'el pretz non fes,
              en mon causimen sia;
           ho si m rendes so c'aves dig per ver
           qu'ieu vos donei, rendrai vos vostr'aver.
                                    En Blacasset bon pretz^[2]

           [Alexandre]
           Si ab vos salvar mi podia,
           ja mais ab autre non perdria,
           qar ieu non vueilh, s'estiers puesc retener,
           mon bon amic perdre per mon aver.

           [Blacasset]
           Ab mi vos salveres tot dia
           qe no·n perdres, s'ieu no·n perdia;
           e podes mi per amic retener,
           sol non vulhaz so qe·m prestiestz aver!